Bashkia e Tiranës, si promotore e një sërë nismash në kuadër të përmirësimit të shërbimeve për komunitetin, ka nisur projektin “Për administrimin e përbashkët të ndërtesave në Tiranë”.

Duke qenë se një pjesë të konsiderueshme të kohës e kalojmë në banesat tona dhe në mjediset përreth tyre, shpeshherë përballemi më probleme apo vështirësi, lidhur me administrimin dhe mirëmbajtjen e tyre. Nisma për t’u vetorganizuar për përmirësimin e mjediseve dhe të shërbimeve të përbashkëta nuk kanë munguar. Ky lloj organizimi është në interesin e të gjithë qytetarëve, sepse do të jeni ju ata që do vendosni për mirëmbajtjen e banesave, të mjediseve tuaja përreth banesave, duke përmirësuar cilësinë e jetesës suaj.

Ky projekt ka si pikënisje të tij miratimin e ligjit nr. 10112, datë 09.04.2009 “Për administrimin e bashkëpronësisë në ndërtesat e banimit”. Qëllimi i këtij ligji është rregullimi i marrëdhënieve juridike në fushën e administrimit të bashkëpronësisë në ndërtesat e banimit, si dhe të truallit dhe mjediseve ndihmëse, që janë në bashkëpronësi të detyrueshme.

Nëpërmjet këtij projekti synohet të ndërgjegjësohen qytetarët e Tiranës, lidhur me rolin që duhet të kenë në administrimin e pasurive të përbashkëta si dhe mendohet t’i shërbejë zgjidhjes së problemeve, që lindin gjatë këtij procesi. Bashkëlidhur do të gjeni të gjitha informacionet dhe aktet tip të nevojshme për procesin e administrimit të ndërtesave në bashkëpronësi të detyrueshme.

Për çdo informacion të nevojshëm mund të kontaktoni Bashkinë e Tiranës në:

Qendra Operatore, tel: 0800888 (pa pagesë)

Avokati i qytetit, tel : 2243807

Web: www.tirana.gov.al

Posta elektronike: bashkepronesia@tirana.gov.al

Adresa: Bashkia e Tiranës, sheshi “Skënderbej”, ndërtesa 2, kutia postare 1001, Njësia Bashkiake 2, Tiranë.

Udhëzuesi praktik

Fletëpalosje sensibilizuese

Baza ligjore

1. Ligji nr.10 112, datë 9.4.2009 "Për administrimin e bashkëpronësisë në ndërtesat e banimit"

2. Vendimi i Këshillit të Ministrave, nr.447, datë 16.6.2010

"Për miratimin e rregullores tip të administrimit të bashkëpronësisë në ndërtesat e banimit"

Dokumente tip të zgjedhjes së Asamblesë

1. Njoftimi për mbledhjen e parë të bashkëpronarëve

2. Njoftimi për mbledhjen e radhës së bashkëpronarëve

3. Procesverbali i mbledhjes

4. Vendimi i Asamblesë

5. Njoftim për regjistrim në Bashki të kryesisë

6. Kërkesë për ngritjen e detyrueshme të Asamblesë

7. Kërkesë për përcaktimin e detyrueshëm të formës së administrimit

   Administrimi i përbashkët i banesave